呢段野係海虎 於 公元 2003年 5月 17日，00:24:36 時所吹既水．
劍兄，由我第一次玩wwwboard 開始，我就跌左落深淵了。
我好清楚明白自己做緊乜，亦知道自己想得到Ｄ乜。
亦因為咁，我由始至終，我堅持自我不變。因為連自己想點做都受影響，點叫自由板主？雖然我非常尊敬劍兄，但係，我始終覺得非常遺憾第一塊自由講既死，我要再講，所以我堅持。
老實講，我有因為我能夠堅持自我而驕傲。
雖然有人炸我板，俾人圍既感覺；亦有人說我懶，不如唔好開板，不過，我覺得我真係經一事，長一智。由於多事，我自問處事能力有所長進。
我對wwwboard有情意結，我知道佢好有多問題，不過我唔想換形式。我的想法是，我希望有能力improve佢，又或者用方法去避免問題發生，所以我不斷咁試。唯一令我害怕的是我這空間是jones仗義相借，如有人因為要炸我板連累佢，我會好嬲，一定會做野。
直到下一次炸板為止．．．我會堅持。
如果有邊位板友睇我唔順眼，有諗過炸我板，直接話我知，我唔使你炸我呢度，我呢度可以為你一個人自動收皮。呢句說話，如果有任何人經過見到，請幫我forward出去。
我真係想睇下人係咪真是性本惡。