呢段野係三頭狼 於 公元 2008年 12月 16日，21:33:47 時所吹既水．
隨著街霸4的遊戲快將面世,土炮都會出本授權作,負責人正是當年的水景+中興配搭,有人抱極大期望,但我差不多已可預計這東西只會是一本劣作,水景的畫未見街我暫不評論(個人認為他的畫有機會更上一層樓的,但故事我差不多已可預先批核一個死亡證給他,因為負責人是少數人稱佢為鬼才興的畫壇敗類
我之所以夠膽批死強姦興呢條人渣契弟,係因為我由佢出道至今都留意住佢既所謂創作,初期既短篇鬼故、街霸頭段我當佢係起步階段,有d野隻眼開隻眼閉,但當佢已經係一個入行幾年既老手,仲要不停咁抄同行既橋,身為一個有要求既讀者可以接受嗎?我講既抄唔係間唔中抄一兩個小節,而係長期、連續、惡意咁去盜用他人創作,其實當時「街霸」既成功,關鍵因素有三個,第一係街霸遊戲既熱潮,第二係祈生向日本正式買左版權而消滅左市面上其他同類作品,第三係"當時既街霸讀者大部份無接觸過溫日良"!!
點解會牽扯到溫日良身上呢,原因係街霸漫畫既橋段有七成都係抄肥良的(其實唔止街霸,佢其實到今時今日既風雷傳都係繼續抄緊肥良),由早期「我若為皇」(「鬼書王」內連載)到之後的「黑豹列傳」,甚至當時正在連載的「海虎」,幸好強姦興是黃生旗下的人(肥良一向是極其尊重黃生的,所以"唔睇僧面都睇佛面"),所以佢至可以肆無忌憚咁去用人地既創作,當時d學生仔大讚既"皇者令",正正就係「我若為皇」中太尊的絕招,而赤龍入魔亦係照抄白承恩入魔,不過當然原著既氣勢同震撼程度強佢十幾倍啦,呢條粉腸到左幾年後依然係以抄肥良為己任,但當時的讀者群已經成長左,已經唔係當年街霸時期的中小學生,而且隨住互聯網興起,讀者交流也變得頻繁,當時佢既故事其中一幕被讀者指為抄襲「海虎II」中"基頭四"情節,之後讀者群起攻之,佢老哥唔道歉不特止,仲要仆街到響專欄話"其實肥良d橋都唔係咁好,不過佢寫得出個氣勢",各位真係要學下野,偷完人地錢仲要話其實唔係咁好駛,所以當年好多網友形容佢呢d行為係"卑鄙無恥,莫過於此"
至於其餘果三成又係咪咁掂呢?唔記得同大家講,其實佢呢三成中都有一成半係抄其他日漫的,咁到底佢既所謂創作係乜野呢?咪就係果d非禮強姦劇情law(所以當時就有網友開始稱佢為"強姦興"), 但有人稱佢為鬼才的確都有多少原因,因為佢明白到當時既讀者群以學生為主,於是就用青少年對性既好奇黎吊班細路胃口,為達此目的,更不惜扭曲街霸角色的原有性格,例如Dhalsim呢位印度高僧就被改成一位強姦春麗的賤人(所以之後日本收緊旗下代理漫畫的"創作性"就係多得呢d人),改篇是可以,但請尊重一下原著,如果要將個原著改到面目全非甚至醜化,咁佢不如索性用佢果d所謂創意去作一個全新故事,睇下有無咁多讀者支持,到時就知道佢係鬼才定蠢材,不過佢間天行社既收場已經印證左了,而既然佢老兄咁鍾意抄肥良,我便用肥良的名句:"心存奸險命數變,狗奴豈能稱至尊",去形容佢既所作所為及其結果吧
新街霸搵佢做編輯係好事丫,因為佢老哥應該都係會繼續左抄右抄,就等大帝出完錢買版權之後,見到呢位鬼才負責既書銷量仆直,以後就應該會更加重視原創性,大家先為港漫可能出現既美好前景乾杯吧
不過近年亦出現左不少無視內容的新世代港漫死士,如果大帝努力催谷,可能都可以令本書呃到多少銷量,正如本地電視台那些明抄外國劇的作品一樣可以大收,這正標誌著表港人的反智指數之高低......
--------------------------------------------------------------
>寫得好！本來許景都算係我由細心儀既主筆之一，但自從拍埋強姦興度後.....真係陀衰晒！ - cinimod 23:35:36 22/7/2008 (0)
>唉...終於都�啦,街霸4!首先多謝狼兄咁到肉的心聲,睇完我有d感慨,你對呢位"騙劇"都了解得相當透徹,我只想補充一點;當年初代街霸漫畫賣得,奇聞杰知道佢抄人�,但幫公司搵到錢,加上師傅都係咁做,唔好多事,理得你d橋點�,況且身為最大港漫公司,有人會出聲嗎?打官司邊個同我鬥燒銀紙?強姦興抄翻�的劇情成為響朵之作,佢重有乜做唔出?至於此人而家負責既書銷量會唔會仆直?我悲觀地認為-唔會!因為,如你所言,玉記已經主要係做d港漫死士生意,佢地只係需要封面正,內文彩稿多便收貨,無分甚麼反唔反智的!辱記只要搵錢,多d豪宅名車無分甚麼反唔反智的! - vincent 17:12:00 22/7/2008 (14)
>>請問一下係咪玉皇朝出,小弟未買風雷傳......如果唔睇原裝故事,只睇打鬥同老作故事,許景+中興o既街霸係好好睇的,另外91年版街霸冇授權,之後capcom開始直正式侵權玉記做街霸,有監修本漫畫,不過果時街霸,拳皇大熱,所以本街霸老作capcom都冇乜理本漫畫,有多錢分就得......但係自snk開始跟足本漫畫制作同果時game漫畫大多老作讀者唔接受,要將故事做到跟原裝等讀者接受番同可以買去外國,capcom已經監督得好嚴,相信街霸4應該唔會太亂黎......講下其他野,拳皇俾雄獅玩殘後,拳皇呢樣野o係香港人氣大不如前......但係03年岑卓華本snk vs capcom大受歡迎,差少少就可以令拳皇同街霸漫畫搞番起,無奈snk 同capcom監督得太嚴(如snk連京個髮型都管足capcom堅持唔批rockmanzero......)同其他原因,令本漫畫爛尾,如果玉記,天下,一本可以出番拳皇漫畫,就正啦......小弟喜歡拳皇多過街霸...... - 王啟業 23:02:26 22/7/2008 (10)
>>>但中平正彥版同UDON版都跟官方故事.人物設定,但都寫得好好睇 - 東尼 07:32:20 23/7/2008 (7)
>>>>UDON版係咪指神崎將臣? - 三頭狼 11:08:00 23/7/2008 (6)
>>>>>nope, UDON is a publisher base in U.S. they published about 20 something isuue of street fighter couple years ago. - xz 15:35:46 23/7/2008 (5)
>>>>>>thanks a lot,我記起果套美版街霸漫畫了,當日睇過幾期,發現真係非常有水準,灰不破壞原作設定下,加入了高水準的原創劇情,反觀土炮果本,真係廢諗事講........... - 三頭狼 19:25:05 23/7/2008 (4)
>>>>>>>果款美版街霸上過果官網睇過幾版,畫面真係好高質素,打鬥畫面好正,請問各位果款街霸有冇出中文版?? - 王啟業 22:20:58 23/7/2008 (1)
>>>>>>>>U壇有啊,快撚啲去啦HIHI仔 - 八神京 22:27:04 23/7/2008 (0)
>>>>>>>邊度有得睇? - 蕭抽水 20:15:42 23/7/2008 (1)
>>>>>>>>我家有全套﹐如果你是年輕版李秋水歡迎上來借閱﹐貧僧再開埋支Bordeux玫瑰紅共醉﹐咭咭。。。 - 玄奘 18:03:00 24/7/2008 (0)
>>>capcom由初時既放任態度轉為後期的嚴謹,主因係佢地意識到港版漫畫對角色及劇情既扭曲已經去到不能容忍地步,例如春麗先後三次被其他角色意圖強姦、故事出現其他作品角色引起的侵權問題、後期故事己完全脫離街霸的世界觀......等等,呢d問題都直接影響到街霸的市場價值,導致身為版權持有人的capcom不得不從緊對待,另外,我個人都係比較喜歡KOF的,因為原裝故事設定充滿日本神話文化元素(鄺氏果D抄肥良既設定就算把啦),加上大量其他SNK角色參與,的確比街霸立體同吸引 - 三頭狼 05:17:39 23/7/2008 (1)
>>>>唔好將本書難尾既責任比左capcom, 我係原作者, 你拎我d 野去改, 去搵錢, 我要做final 批核修改個個就梗架勒, 我睇得嚴亦都無可厚非, 我印象中美國個邊都有出街霸漫畫, 你怪人做修正個個嚴格, 不如反省下自己改到人地d 作品面目全非好過~ - 森 17:26:56 23/7/2008 (0)
>>始終對初代街霸有番d感情, (街霸3我一本都冇買), 加上許景PK完一輪重畫街霸, 我便會買o黎睇睇佢攪d乜野出o黎 - 老鬼 18:58:06 22/7/2008 (2)
>>>話時話當年初代街霸後期寫 d 乜野外星人克林頓真係睇到我眼都突埋, 失控到呢... - 老鬼 19:05:45 22/7/2008 (1)
>>>>呢段其實係抄龍珠的,都係果句:強姦興出品,必屬爛西作 - 三頭狼 05:19:21 23/7/2008 (0)